ئەستێرەیەکی دیاری بۆڵیوود: رۆژانە میزی مانگا دەخۆمەوە

SNN

ئاکشای کۆمار ئەستێرەی دیاری بۆڵیوود خوویەکی رۆژانەی ئاشکرا دەکات بەوەی رۆژانە میزی مانگا دەخواتەوە، کە لە ئێستادا هندییەکان بە چارەسەرێکی باشی دەزانن بۆ ڤایرۆسی کۆرۆنا.

ئەم ئەکتەرە ناودارە بەوە بەناوبانگە کە پشتیوانی تەواوی پارتەکەی ناریندرا مودی-ی سەرۆکوەزیرانە کە ملیۆنان دۆلار وەبەرهێنان دەکات تا پەرە بە بەرهەمەکانی پاشەڕۆی مانگا بدات و لای هندۆسەکان پیرۆزن.

ئەم ئەکتەرە 53 ساڵە لەمیانی پڕوپاگەندە بۆ بەرنامەیەکی تەلەفزیۆنیدا ئەو نهێنییەی ئاشکرا کرد، کاتێک چای پاشەڕۆی فیلی خواردەوە لە یەکێک باخچە پارێزراوەکانی پڵنگدا.

کۆمار رایگەیاند “لەبەرئەوەی سوودی تەندروستیی هەیە و بۆ کۆرۆنا باشە، رۆژانە بڕێکی باش میزی مانگا دەخۆمەوە و ئەوەش نهێنیی باشیی تەندروستیمە”.

هندۆسەکان لەپێناو تەندروستیی خۆیان بەپێی لێکدانەوەکانیان رۆژانە میزی ئەو ئاژەڵە دەخۆنەوە و حزبەکەی سەرۆکوەزیران (بەهەراتیا جاناتا) رێنمایی هاووڵاتییانی هندستان دەکەن کە ئەو میزە بخۆنەوە، چونکە وەک خۆیان دەڵێن بۆ کۆرۆنا باشە.

لە ناوەڕاستی مانگی ئازاری رابردوودا رێکخراوێکی هندۆسی بەناوی (ئال ئیندیا هیندۆ ماهاسابها) ئاهەنگێکی لە شێوەی کەمپیندا رێکخست و هانی خەڵکیی دا میزی مانگا بخۆنەوە بۆ خۆپارێزیی لە پەتای کۆرۆنا.

تائێستا لە هندستان 4.6 ملیۆن حاڵەتی تووشبوون بە ڤایرۆسی کۆرۆنا تۆمار کراوە و لەو ژمارەیەش تا ئەمڕۆ شەممە 46 هەزار کەس بە ڤایرۆسەکە گیانیانلەدەستداوە.