سهردانى نهكردنى كازمى بۆ مهرزى پهروێزخان بههۆى نهبوونى شوێنى نیشتنهوهى هێلیکۆپتەر بووه
فۆتۆ عەلی حەمە سەعید
SNN- سیروان حهسهن
له درێژهى سهردانهكهى بۆ ههرێمى كوردستان مستهفا كازمى سهرۆكوهزیرانى عێراق ههروو دهروازهى ئیبراهیم خهلیل و باشماخى به سهركردهوه، بهڵام سهردانى مهرزى پهڕوێزخانى نهكرد، به وتهى سهرچاوهیهك هۆكارهكهى نهبوونى شوێنى نیشتنهوهى فڕۆكه بووه.
سهرچاوهیهك له وهزارهتى دارایى حكومهتى ههرێمى كوردستان به SNNى راگهیاند: سهردانهكهى مستهفا كازمى سهرۆكوهزیرانى عێراق له لایهن ئهنجومهنى وهزیرانهوه پێشوازى و ئامادهكارى بۆكراوه، بهڵام وهكو وهزارهتى دارایى ئاگاداركراونهتهوه و لهبهر ئهوهى وهزیرى دارایى تووشى كۆرۆنا بووه نهیتوانیوه بهشدارى كۆبوونهوهكانى بكات.
وتیشى، “بهشێك له سهردانهكهى موستهفا كازمى كه پهیوهندى به دهروازه سنوورییهكانهوه ههبووه، موستهفا كازمى سهردانى ههردوو مهرزى ئیبراهیم خهلیل و باشماخی كرد، بهڵام سهردانى مهرزى پهروێزخانى نهكرد له كاتێكدا مهرزى پهروێزخان قهبارهیهكى گهورهى بازرگانى تێدایه و یهكێكه له مهرزه گرنگهكانى سنوورى ههرێمى كوردستان”.
ئهوهشى خستهڕوو، “سهردانى نهكردنى مستهفا كازى بۆ مهرزى پهروێزخان لهبهر نهبوونى شوێنى نیشتنهوهى هێلیکۆپتەر بووه كه مستهفا كازمى ههشت فڕۆكهى لهگهڵ بووه و پێویستیان به فرۆكهخانه یان ناوچهیهكى كۆنكرێتى ههبووه وهكو ئهوهى له ههڵهبجه ئهو ناوچهیه ههبوو بۆ نیشتنهوهى كۆپتهرهكانى”.
سهرچاوهكهى وهزارهتى دارایى راشیگهیاند، جگه له نهبوونى شوێنى نیشتنهوهى فرۆكه له سنوورى گهرمیان، كۆبوونهوهكانى كازمى له گهڵ بهرپرسانى حكومى و حزبى و فرهلایهنى سهردانهكهى له كاتێكدا ماوهكهى دوو ڕۆژ بوو ههروهها كهمى كاتیش هۆكارێكى تر بووه.
عه لى تۆفیق بهرێوهبهرى دهروازهى مهرزى پهروێزخان به snnى راگهیاند؛ له كاتى سهردانهكهدا ئاگاداركراینهوه كه موستهفا كازمى سهردانى مهرزى پهروێزخان ناكات و ههردوو مهزرى ئیبراهیم خهلیل و باشماخ بهسهردهكاتهوه و به بێ ئهوهى رونكردنهوهیان پێبدرێت كه بۆچى سهردانى مهرزهكهى گهرمیان ناكات.
