مامۆستایانى وانهبێژ داواى دامهزراندن دهكهن به پێى ساڵانى خزمهت
هۆلی تاقیکردنەوە
SNN-سیروان حهسهن
له ههرێمى كوردستان 17 ههزار مامۆستاى وانهبێژى له كهرتى پهروهرده داوا له سهرجهم لایهنه پهیوهندیدارهكانى حكومهت دهكهن مامۆستایانی وانەبێژ بەهەمیشەیی و بێ جیاوازی کردن لەنێوان بەشەکاندا دابمهزرێنن و ئەولەویەتیش بۆ ئەوانه بێت ساڵی خزمەتیان زۆرە.
له راگهیاندراوێكدا دەستەی مامۆستایانی وانەبێژ لە هەرێمی کوردستان کە نوێنەرایەتی زیاد لـە 17 هەزار مامۆستای وانەبێژ دەکەن، داواکارن لە ئەنجومەنی وەزیران و وەزارەتی پەروەردە و سەرجەم لایەنە پەیوەندیدارەکانی تایبەت بە کەرتی پەروەردە بەدەم داواکارییەکانی مامۆستایانی وانەبێژەوە بێن و داواکارییەکانیان وەك خۆی جێبەجێ بکەن لە زووترین کاتدا.
سهبارهت به داواكارییهكانیان مامۆستایانی وانەبێژ دوو داواكارییان خستووهتهڕوو كه بریتین له “دامەزراندنی مامۆستایانی وانەبێژ بەهەمیشەیی و بێ جیاوازی کردن لەنێوان بەشەکاندا. ئەولەویەتیش بۆ ئەو وانەبیژانەی ساڵی خزمەتیان زۆرە. هاوكات ڕەچاو کردنی ساڵانی وانەبێژی و ساڵی دەرچوون بەو مەرجەی وانەبێژی کردبێت لەکاتی دامەزراندندا”.
دهستهى مامۆستایانى وانهبێژى ئاماژهشیان بهوهداوه، دامهرزاندیان مافی سەرەتاییانە و دەیانجار داوایان کردووە و لای هەمووان ڕوونە کە مامۆستایانی وانەبێژ بەوپەڕی دڵسۆزییەوە و بێ دابڕان کاری خۆیان ئەنجامداوە و لەهەمان کاتیشدا لەوپەڕی خراپی دۆخدا ژیان دەگوزەرێنن لە هەموو ڕوویەکەوە.
مامۆستایانى وانهبێژى پێشتر له ناوچه جیاجیاكانى ههرێمى كوردستان چهندینجار خۆپیشاندان و گردبوونهوه و ناڕازهییان ئهنجامداوه بۆ ئهوهى حكومهت له وانهبێژییهوه دایانبمهزرێنێت وهكو مامۆستایانى ههمیشهیی، بهڵام داواكارییهكهیان جێبهجێ نهكراوه.
