مستەفا کازمی بووە سەرۆکوەزیرانی عێراق و بەشێک لەوەزیرەکانی پەسەند کران
کازمی لەکاتی پێشکەشکردنی وتارەکەی لەپەرلەمان
SNN
لەدانیشتنی ئەمشەوی ئەنجومەنی نوێنەرانی عێراقدا ژمارەیەک وەزیری کابینەکەی مستەفا کازمی پاش ئەوەی دەنگی پێویستیان هێنا، سوێندی یاساییان خوارد و بوونە وەزیر، دانیشتنەکەش هەڵگیرا و وەزارەتەکانی دەرەوە و نەوتیش دواخرا دەنگدان لەسەریان
بەشێک لەکابینەکەی مستەفا کازمی پەسەند کران بەشێک لە وەزیرە نوێیەکان سوێندی یاساییان خوارد.
جومعە عناد بۆ وەزیری بەرگری
عوسمان غانمی بۆ وەزارەتی ناوخۆ
عەلی عەلاوی بۆ وەزارەتی داریی
عەدنان درجال بۆ وەزارەتی وەرزش
نازەنین وسو بۆ وەزارەتی شارەوانی و ئاوەدانکردنەوە و نیشتەجێکردن
خالد بەتال بۆ وەزارەتی پلاندانان
حەسەن محەمەد عەباس بۆ وەزارەتی تەندروستی
ئەرکان شەهاب بۆ وەزارەتی گواستنەوە
نەبیل عەبدولساحیب بۆ خوێندنی باڵا
ماجد مەهدی بۆ وەزارەتی کارەبا
عادل حاشووش بۆ وەزارەتی کار
عەلی حەمید بۆ وەزارەتی پەروەردە
هاوکات هاشم داود بۆ وەزارەتی رۆشنبیری رەتکرایەوە و دەنگی پێویستی نەهێنا و چوار پاڵێوراوی دیکەش بەهەمانشێوە رەتکرایەوە.
عەبدولرەحمان مستەفاش بۆ بوون بە وەزیری داد رەتکرایەوە و دەنگدان لەسەر پاڵێوراوان بۆ وەزارەتەکانی دارایی و نەوت دواخرا بۆ کاتێکی دیکە.
