سعودیە و ئیمارات هاوکاری تەندروستی دەبەخشنە عێراق
SNN
لە چوارچێوەی هاوکارییەکانی وڵاتان بۆ رووبەڕووبوونەوەی ڤایرۆسی کۆرۆنا لە عێراق، هەردوو وڵاتی ئیمارات و سعودییە چەندین تەن پێداویستی تەندروستییان بەخشیە وڵاتەکە.
ئەحمەد سەحاف وتەبێژی وەزارەتی دەرەوەی عێراق لەراگەیاندراوێکدا وتی: “عێراق 5.2 تەن هاوکاری پزیشکی و پێداویستی خۆپارێزی لە سعودیەوە پێگەیشتووە.”
هەروەها ئاژانسی هەواڵی ئیماراتی ڕایگەیاند، ئیمارات بڕی 20 تەن پێداویستی پزیشکی و ئامێری پشکنینی گەیاندووەتە عێراق بۆ پاڵپشتیکردنی هەوڵەکانی 20 هەزار کارمەندی تەندروستی.
ئاماژەی بەوەشکرد، “دەوڵەتی ئیمارات لەمیانی ئەم هاوکارییانەوە پێداگریدەکات لەسەر بەهێزکردنی تواناکانی تیمی پزیشکی و کارمەندانی تەندروستی عێراق لە رووبەڕووبوونەوەی کۆرۆنادا.”
ئەمە یەکەمجار نییە ئیمارات هاوکاری تەندروستی پێشکەشی عێراق بکات، پێشتر دوو کاروانی هاوکاری تەندروستی رەوانەی عێراق کردبوو کە پێداویستی تەندروستی تایبەت بە کۆرۆنای تێدابوو.
