وهزارهتی لاوان و وهرزشی عێراق قهرزکردنی 45 ملیار دینار رهتدهكاتهوه
عەدنان دەرجال
حسین کەرکوکی-SNN Sport
وهزارهتی لاوان و وهرزشی عێراق ئهو ههواڵانهی رهتكردهوه كه ئاماژهیان بۆ قهرزكردنی بڕی (45) ملیار دیناری عێراقی بۆ تهواو كردنی پرۆژه وهستاوهكان دەکرا.
موهفهق عهبدلوههاب بهرێوهبهری راگهیاندن له وهزارهتی لاوان و وهرزش له لێدوانێكیدا وتی:” یاسای وهزارهت ژماره 25ی ساڵی 2011 دهسهڵاتی قهرزكردن ناداته وهزارهت ، ههروهها بودجهی ساڵانهی حكومهتی فیدڕاڵ ساڵی 2020 تا ئێستا بڕیاری له سهر نهدراوه و وهزارهت ناتوانێت بچێته نێو پهیوهندی قهرزكردن لهگهڵ هیچ بانكێك ئەگهر به سوودبێت یاخود بێ سوود ، به تایبهتی كه وهزارهتمان پابهنده رێنمایی و رێكکارهكان كه یاسا رێیپێدهدات و هیچ پاساوێك نیه بۆ چوونه نێو پرۆسهی قهرزكردن “.
ههروهها عهبدولوههاب وتی:”ئهوهی ئهم ههواڵەی بڵاوكردهوه كاردانهوه بوو بۆ كهیسێك كه له پشتییهوه ههوڵی دهدا سوودی تایبهتی وهربگرێت”.
رونیكردهوه:” ئهوهی ههیه ئهوهیه كه وهزارهت رێکكهوتنێكی هاوكاری لهگهڵ رابیتهی بانكهكانی ههبووە له نێویاندا بانکی بازرگانی و رۆژی دووشهممه رێكکهوتنی هاوكاریهكه واژۆ دهكرێت”.
پێشتر میدیا عێراقییەکان ئاماژهیان بۆ ئهوه كرد كه عهدنان دهرجال وهزیری لاوان و وهرزشی عێراق دهستیكردووه به پرۆسهی قهرزكردنی 45 ملیار دینار له بانكی بازرگانی و به سوودی گهوره بۆ هاوکاری دارایی پڕۆژهكانی وهزارهت.
