زانکۆیەک به شێوه‌ى گرێبه‌ست ژماره‌یه‌ك هه‌لى دامه‌زراندن ده‌ڕه‌خسێنێت
زانکۆی-گەرمیان
SNN- سیروان حه‌سه‌ن
زانكۆى گه‌رمیان بۆ به‌شه جیاجیاكانى زانكۆكه‌ى هه‌لى دامه‌زراندنى بۆ ژماره‌یه‌ك مامۆستا ره‌خساندووه كه خاوه‌نى دكتۆراو ماسته‌ربن و به شێوه‌ى گرێبه‌ستى یه‌ك ساڵه‌یى ده‌بنه مامۆستا له زانكۆ.
ئه‌سعه‌د محه‌مه‌د له راگه‌یاندنى زانكۆى گه‌رمیان به SNNى راگه‌یاند: زانكۆى گه‌رمیان به شێوه‌ى گرێبه‌ست بۆ ماوه‌ی یه‌ك ساڵ هه‌لى دامه‌رزاندنى بۆ ژماره‌یه‌ك له كۆلێژ و به‌شه‌كانى زانکۆکە راگه‌یاندووه، به‌ڵام به‌و مه‌رجه‌ى خاوه‌نى بڕوانامه‌ى ماسته‌رو دكتۆرا بن.
وتیشى، “ئه‌و بوارانه‌ى پێویستیان پێیه‌تى بریتین له به‌ربوومى ئاژه‌ڵى، به‌روومى كێڵگه‌یى و پسپۆڕییە كشتوكاڵیه‌كانى تر، كۆلێژى پزیشكى پشۆڕییه پزیشكى و ته‌ندروستییه‌كان، كۆلێژى پزیشكى ده‌رمانسازیی یان كیمیاى ده‌رمانسازى، كۆلێژى په‌روه‌رده‌ى بنه‌ڕه‌ت زمانى ئینگلیزى ئه‌ده‌ب، كۆلێژى په‌روه‌رده‌ى بنه‌ڕه‌ت كۆمپیوته‌ر، كۆلێژى په‌روه‌رده فیزیا.
ئه‌سعه‌د محه‌مه‌د راشگه‌یاند: بۆ پێشکەشکردنی داواکارى و ناردنی سی ڤی دوا مۆڵه‌ت 20ى ئه‌یلوولى 2020ه و پێویسته داواكار ئه‌م به‌ڵگه نامانه هاوپێچى سی ڤیه‌كه‌ى بكات. (دوا بڕوانامە، فەرمانی وەرگرتنی نازناوی زانستیی ئەگەرھەیبوو، فەرمانی ھاوتاکردنی بڕوانامە ئەگەرھەیبوو، داواکاری و سی ڤی و بەڵگەنامەکان دەنێردرێت بۆ ئەم ئیمەیڵە [email protected].
ئه‌وه‌شى خسته‌ڕوو، “لەکاتی نەبوونی پێشکەشکار بۆ ھەر یەکێك لەو پسپۆڕییانەی داویان كردووه زانكۆكه‌یان بە پسپۆڕییەکی تری نێو لیستەکە شوێنی پڕ ده‌كاته‌وه”.
