ئێران پێشوازی لە پێکهێنانی حکومەتەکەی کازمی دەکات

وەزیری دەرەوەی ئێران پێشوازی لە پێکهێنانی کابینەکەی مستەفا کازمی کرد.

محەمەد جەواد زەریف وەزیری دەرەوەی ئێران، لە تویتێکیدا پیرۆزبایی لە مستەفا کازمی کردووە بە بۆنەی هەڵبژاردنی بۆ پۆستی سەرۆک وەزیران و نوسیویشیەتی: “ئێران هەمیشە پاڵپشتی خەڵکی عێراق و بژاردەی ئەوان بۆ بەڕێوەبردنی وڵاتەکەیان، دەبێت”.

هەروەها ئیرەج مەسجدی باڵیۆزی ئێران لە عێراق لە تویتێکیدا هیوایخست حکومەتی نوێی عێراق سەرکەوتووانە خزمەت بە گەلی عێراقی بگەیەنێت.

شەوی رابردوو، ئەندامەکانی ئەنجومەنی نوێنەرانی عێراق بە کۆی دەنگی زۆرینەی ئەندامەکانی، مستەفا کازمی وەک سەرۆک وەزیرانی نوێی عێراق پەسەندکرد.