شكاندنى شوێنهكانى وهستانى پاس و تەكسی له ههولێر بووهته دیارده
شوێنێكى وهستانى پاس له ههولێر كه شكێنراوه | فۆتۆ: SNN
SNN – بڕیار محەمەد
ئەگەر رۆژێك بە شەقامەكانی 60 مەتری، 100 مەتری و 40 مهترى شاری هەولێر گوزەربكەیت دەبینیت زۆرینەی شوێنەكانی وەستانی سەرنشین بۆ چاوەڕوانی كردنی پاس یان تەكسی شكێندراوە سەرۆكی سەندیكای گواستنەوە و گەیاندنیش دەڵێت: “نەبوونی ئاستی رۆشنبیری لای هاووڵاتییان هۆكارى ئهو دیمهنانهیه”.
زریان سەعید، هاووڵاتییەكی شاری هەولێره لەبارەی شكاندنی ئەو شوێنانەوە بۆ SNN وتى: “بەداخەوە ئاستی هۆشیاری و هەستنەكرد بە بەرپرسیاریهتی هۆكارێكە بۆ شكانی ئەو شوێنانە، نازانم شكاندنی ئەو شوشانە و تێكدانی شوێنەكانی وەستانی پاش چ قازانجێكیان پێ دەگەیهنێت، بەڕاستی پێویسته حكومەت سزای ئەو كەسانە بدات كە دەستكاری ئەو شوێنانە دەكەن و دوای لێكۆڵینەوەى دیاریكردنی ئەو كەسانە”.
ههر لهوبارهیهوه عەبدوڵا كەریم، سەرۆكی سەندیكای گواستنەوە و گەیاندنی هەولێر بە SNNی راگەیاند: “بەڕاستی ئێمەش دركمان بە بابهتی شكانی ئەو شوێنانە كردووە، بەهۆی ڤایرۆسی كۆرۆناوە ئەم ماوەیە كۆبوونەوەكانمان لەگەڵ پارێزگا و وەزارەتی گواستنەوە و گەیاندن كەمكردۆتەوە، ئەگەرنا لە دواین كۆبوونەوەماندا باسمان لەوە كرد كەوا جارێكی تر پێویستە ئەو شوێنانە نۆژەن بكرێنەوە”.
وتیشی: “بەڕاستی شكاندنی ئەو شوێنانە بۆ كەمی ئاستی هۆشیاری و ناڕۆشنبیری ئەو كەسانە دەگەڕێتەوە كە هەڵدەستن بە شكاندن یان تێكدانی شوێنی وەستانی سەرنشین، نازانم شكاندنی ئەو شوێنانەش چ سوودێكی هەیە”.
شوێنێكى وهستانى پاس له ههولێر
شوێنێكى وهستانى پاس له ههولێر
شوێنێكى وهستانى پاس له ههولێر
