لە ماوەی 6 مانگدا لە هەولێر نزیکەی 6 هەزار تاوان روویداوە
لێکۆڵینەوەى پۆلیس لەکاتى تاوانێکدا | فۆتۆ: Tony Webster / Flickr
SNN- بڕیار محەمەد
بەڕێوەبەرایەتی گشتی پۆلیسی هەولێر ئاماری شەش مانگی كار و چالاكییەكانی لە 19/1/2020 تا 1/8/2020 بڵاوكردەوە، بەپێی ئامارەكە لە ماوەی ئەو شەش مانگە 5992 تاوان روویانداوە و لەو ژماریە توانراوە بکەر و سەرەداوی 5568 یان ئاشكرا بكەن.
لە ئامارەكەی پۆلیسی هەولێردا هاتووە “لە ماوەی شەش مانگی یەكەمی ئەمساڵ 5992 تاوان ئەنجامدراوە لەو ژماریەش توانراوە 5568 تاوان ئاشكرا بكرێن، هەروەها لە ماوەی شەش مانگدا 655 تۆمەتبار دەستگیرکراون كە تاوانی جۆراوجۆریان ئەنجامداوە كە باندی دزیكردن و كوشتن و ساختەكاری و سپیكردنەوەی دراو، ماددەی هۆشبەر و هیترن “.
بەپێی راگەیەندراوەكەی پۆلیس كە وێنەیەكی بۆ SNNهاتووە “باسی ئەوە دەكات هێزەكانیان لەو ماوەیە توانیویانەی 751 سواڵكەر دەستگیر بكەن بە هەردوو رەگەز، نێر و مێ و رەوانەی بەردەم دادوەر كراون لەنێو ئەو سواڵكەرانەش هەبووە بە تەنها لە ماوەی دوو رۆژدا 13ملیۆن دیاری دەستكەوتووە بەهۆی ئەوەی خۆی كەمئەندام كردووە و منداڵی بچوكیان بەكار هێناوە”.
