ترەمپ: 100٪ داعشمان لەناو برد و تیرۆریستی پلە یەکیش کە سلێمانی-یە کوشتمان

SNN

لە بەردەم کۆمەڵەی گشتیی نەتەوە یەکگرتووەکاندا دۆناڵد ترەمپ سەرۆکی ئەمریکا لە وتارێکیدا رایگەیاند “100٪ داعشمان لەناو برد و تیرۆریستی پلە یەکیش کە فەرماندەی فەیلەقی قودس-ە، کوشتمان”.

لەمیانی خولی 75ەمینی کۆبوونەوەی کۆمەڵەی گشتیی نەتەوە یەکگرتووەکاندا ترەمپ ئاشکرایکرد “پێویستە نەتەوە یەکگرتووەکان ببێتە رێکخراوێکی کاریگەر تر”.

وتیشی: “دەبێت نەتەوە یەکگرتووەکان زیاتر برەو بە کێشە راستەقینەکانی جیهان بدات، لەوانە تیرۆر و توندوتیژی دژی ژنان”.

ترەمپ راشیگەیاند “لە گرێبەستی رێكکەوتنی ئەتۆمی مەترسیدار کشاینەوە و سزامان بەسەر دەوڵەتێکدا سەپاند کە تیرۆر هەناردە دەکات”.

وتیشی: “100٪ داعشمان لەناو برد و دامەزرێنەرەکەشی کە بەغدادییە، کوشتمان و یەکەم تیرۆریستی ژمارە یەکیش کە قاسم سێمانییە، کوشتمان”.