عێراق: لەگەڵ تورکیا گەیشتووینەتە لێکتێگەیشتنی باش لەبارەی ئاوەوە

SNN

وەزیری سەرچاوە ئاوییەکانی عێراق رایدەگەیەنێت “لەگەڵ لایەنی تورکی گەیشتووینەتە لێکتێگەیشتنی باش لەبارەی پرسی ئاو و سەرچاوە ئاوییەکانەوە”.

لەبەیاننامەیەکی وەزارەتەکەیدا مەهدی حەمدانی رایگەیاندووە “سەبارەت بە دۆسیەی ئاو وڵاتەکەی لەگەڵ تورکیا لەسەروبەندی بەرەوپێشچوونی باشدایە”.

بەیاننامەکە دەشڵێت: “بۆ ئەوەی عێراق رووبەڕووی کێشەی کەمئاویی نەبێتەوە، وەزارەتی سەرچاوە سروشتییەکان لەگەڵ وڵاتانی هاو کەناراوی عێراق لە گفتوگۆدایە تا بەشە ئاوی وڵات بەفیڕۆ نەچێت”.

پێشتر بەسەرپەرشتی سەرۆکوەزیرانی عێراق و هاوتا تورکەکەی، نوێنەری هەردوو وڵات دیاریکراون بۆ چارەسەری گرفتە ئاوییەکان لەنێوان هەردوولا.

وەزیری سەرچاوە ئاوییەکانی عێراق دەڵێت: “له‌گه‌ڵ توركیا گه‌یشتووینه‌ته‌ پێشكه‌وتنی به‌رچاو له‌باره‌ی ئاوی رووباره‌كانی دیجله‌ و فورات و هه‌ردوو وڵات جه‌خت له‌سه‌ر چاره‌سه‌ری ئه‌و كێشانه‌ ده‌كه‌نەوە”.Top of Form