ئیندیپێندەنت: کازمی ئەمریکای قایلکردووە کە باڵیۆزخانەکەی نەکشێنێتەوە
باڵیۆزخانەی ئەمریکا لە بەغدا
SNN
رۆژنامەی ئیندیپێندەنتی بەریتانی لە راپۆرتێکیدا بڵاویکردووەتەوە: وادیارە مستەفا کازمی ئەمریکای قایلکردووە بەوەی باڵیۆزخانەکەی لە بەغدا نەکشێنێتەوە، بەوەی سزایەکی بۆ هێرشی مووشەکییەکانی وڵاتەکە دیاریکردووە.
رۆژنامەکە لە زاری چەند سەرچاوەیەکەوە ئەوەی خستووەتەڕوو: لەمەولا هێرشی موشەكی لەهەركوێی عێراق ئەنجام بدرێت، دەستبەجێ حكومەت سزای فەرماندە ئەمنییەكانی ئەو ناوچەیە دەدات، وەك ئەوەی لە ڕەزوانیە و نزیك هەولێر ڕوویدا.
لەلایەكیترەوە فەرماندە ئەمنییەكان پێشنیاری ئەوەیان كردووە پەرژین و كامێرای چاودێری دابنرێت بۆ هێرشبەران لە زەوییە چۆڵەكانی دەوروبەری بەغدا كە موشەك و فڕۆكەی بێ فڕۆكەوانی لێوە ئاراستە دەكرێت
لەبارەی کشانەوەی باڵیۆزخانەکەوە، رۆژنامە بەریتانییەکە نوسیویەتی: کازمی توانیویەتی متمانە بە ئەمەریكییەكان بكات باڵیۆزخانەكەیان نەكشێننەوە بەهۆی هێرشە موشەكییەكانەوە، بەڵام وادیارە ئەمە پڕ مەترسی دەبێتە، ئەگەر حكومەت نەتوانێت كۆتایی بەهێرشەكان بهێنێت.
