لە مانگی 12 پرۆسەی بەتایبەتکردنی کەرتی کارەبا جێبەجێدەکرێت

SNN

وەزیری كارەبای هەرێم رایگەیاند، لە مانگی 12ی ئەمساڵدا پرۆسەی بەتایبەتكردنی كەرتی كارەبا دەچێتە بواری جێبەجێكردنەوە، دەشڵێت نرخی کارەبا زیاد ناکات و کاری سوتان و چاکسازی تۆڕەەکان کەمدەبێتەوە.

كەمال محەمەد، وەزیری كارەبای هەرێمی كوردستان لە راگەیەندراوێكدا رایگه‌یاند: حكومەتی هەرێم لە رێگەی ستاف و تیمێكی پسپۆڕ و شارەزاوە چاودێری وردی پڕۆسەكە دەكات و ئەو هەنگاوەش دەبێتە هۆی بەفیڕۆنەدانی كارەبا.

ئاماژەی بەوەشكردووە: رێژەی لە 70٪ی كارمەندانی كارەبا تیایدا كاردەكەن و دەستبەرداری فەرمانبەران نابن و نرخی كارەباش زیاد ناكات و كاری چاكسازی و سوتان و خراپبونی تۆڕەكان كەمدەبنەوە.

به‌ وته‌ی كه‌مال محه‌مه‌د، “ئەو هەنگاوە دەبێتە هۆی كەمبوونەوەی سولفەی مانگانەی بەڕێوەبەرایەتیەكانی كارەبای شارەكان لەسەر حكومەتی هەرێمی كوردستان”.

ناوبراو وتیشی: “لە رووی بەرێوەبردن و خێرایی بەڕێوەچونی كاریشەوە كەرتی تایبەت چالاكترە لە كەرتی گشتی”.