بەرپرسی پاسەوانی بەڕێوەبەرێکی گشتی وەزارەتی پێشمەرگە بە دەستڕێژی گوللـە کوژرا

SNN ـ بڕیار محەمەد

درەنگانێکی شەوی ڕابردوو لە نزیک شارۆچکەی هەریر لە سنووری پارێزگای هەولێر، لەسەر ڕووداوێکی هاتووچۆ، بەرپرسی پاسەوانەکانی بەڕێوەبەرێکی گشتی وەزارەتی پێشمەرگە بە دەستڕێژی گوللـە کوژرا.

پەیامنێری SNN لەهەولێر ڕاگەیاند: درەنگانێکی شەوی ڕابردوو، لەسەر ڕێگای هەریر ـ شەقڵاوە، دیلمان عەبدوڵا فەرج، بەرپرسی پاسەوانان و شۆفێری تایبەتی لیوا بابەکر فەقێ ئەحمەد، بەڕێوەبەری گشتیی ڕاگەیاندن و هۆشیاری نیشتمانیی سەر بە وەزارەتی پێشمەرگە، کە لەهەمانکاتدا زاوایەتی، لەدوای ئەوەی تووشی ڕووداوێکی هاتووچۆ دەبێت لەگەڵ شۆفێرێکی دیکەدا، دەدرێته بەر دەستڕێژی گوللـه و دەکوژرێت.

وتیشی “بکوژەکە هەڵاتووە و تاوەکو ئێستا دەستگیرنەکراوە، پۆلیسیش سەرقاڵی لێکۆلێنەوەن بۆ دۆزینوەی کەسی هەڵاتوو”.