ئهمریكا: پێشوازى له رێككهوتنى حكومهتى ههرێم و عێراق دهكهین لهبارهى شنگالهوه
لۆگۆى وهزارهتى دهرهوهى ئهمریكا | فۆتۆ: Drew Angerer / Getty Images
SNN
كهمێك لهمهوبهر وهزارهتى دهرهوهى ویلایهته یهكگرتووهكانى ئهمریكا رایگهیاند: پێشوازى له رێككهوتنى حكومهتى ههرێم و حكومهتى ناوهندى عێراق دهكهین لهبارهى شنگالهوه.
له راگهیهنراوهكهدا كه ئهمڕۆ شهممه بڵاوكراوهتهوه وهزارهتى دهرهوهى ئهمریكا رایگهیاندووه: “پێشوازى له رێككهوتنى حكومهتى عێراق و حكومهتى ههرێم دهكهین، كه به ههماههنگى نهتهوه یهكگرتووهكان كراوه بۆ چارهسهركردنى كێشهكانى شنگال، هیوادارین ئهم رێككهوتنه ببێته هۆكارى چارهسهركردنى كێشه سیاسى و ئهمنییه درێژخایهنهكانى شنگال و گهڕانهوهى ئاوارهكان بۆ زێدى خۆیان”.
له بهشێكى ترى راگهیهنراوهكهدا ئهوهشهاتووه، “پێویسته بهرژهوهندى هاووڵاتیيانى شنگال كه قوربانى جینۆسایدن ناوهڕۆك و بناغهى ههر پلانێك بێت كه بۆ گهڕاندنهوهى ئاشتى و سهقامگیرى ناوچهكهدا دادهنرێت”.
رۆژی ھەینی 9ى تشرینى یهكهم، شاندی ھەرێمی كوردستان بە سەرۆكایەتی ڕێبەر ئەحمەد، وەزیری ناوخۆی حكومهتى ھەرێمی كوردستان سەردانی بەغدایان كرد و لەگەڵ لایەنە پەیوەندارەكان بۆ ئاساییكردنەوەی دۆخی شنگال كۆبوونەو، یەكەم كۆبوونەوەی شاندەكەی ھەرێمی كوردستانیش لەگەڵ راوێژكاری ئاسایشی نیشتمانی عێراق، قاسمی ئەعرەجی بوو، دواتر لەگەڵ مستەفا كازمی، سەرۆكوەزیرانی عێراق بە ئامادەبوونی نوێنەری تایبەتی سكرتێری گشتیی نەتەوە یەكگرتووەكان لە عێراق جینین پلاسخارت كۆبوونەوە و لەسەر ئاساییكردنەوەی دۆخی شنگال رێككەوتنێكیان واژوو كرد.
