وەزارەتی تەندروستیی: ناگەڕێینەوە بۆ قەدەغەی هاتوچۆ، چونکە بەهۆی پابەند نەبوونەوە شکستیهێنا

SNN

وەزارەتی تەندروستیی عێراق دەڵێت: “هیچ رێنمایی و بڕیارێک نییە بۆ دووبارە راگەیاندنەوەی قەدەغەی هاتووچۆ لە وڵاتدا”.

ریاز حەلفی بەڕێوەبەری گشتی لە وەزارەتی تەندروستیی عێراق ئەمڕۆ یەکشەممە رایگەیاند “هیچ سوودێکی نییە جارێکیتر قەدەغەی هاتووچۆ رابگەیەنینەوە”.

وتیش: “بۆیە سوودی نییە، چونکە خەڵک پابەند نابێت پێوەی، لەبەرئەوە بڕیارەکانی پێشووش بە راگەیاندنی قەدەغەی هاتووچۆ شکستیهێنا”.

بەوتەی ناوبراو، هاتنی شەپۆلێکی دیکە بۆ وڵاتانی ئەوروپا، ئاماژەیەکی مەترسیدارە بۆ عێراق و هەڕەشەیەکی جددییە، بۆیە تەنیا خۆپارێزی و بەستنی دەمامک چارەسەرە.

تا ئێستا كۆی ئه‌وانه‌ی له‌سه‌رانسه‌ری عێراق تووشی په‌تاكه‌ بوون، ژماره‌یان 397 هه‌زار و 780 حاڵه‌تە، له‌و ژماره‌یه‌ش 9 هه‌زار و 735 كه‌س به‌هۆی ڤایرۆسه‌كه‌وه‌ گیانیانله‌ده‌ستداوه و 328 هه‌زار و 97 كه‌سیش به‌ته‌واوی چاك بوونه‌ته‌وه و 59 هه‌زار و 948 كه‌سیش له نه‌خۆشخانه‌كان له‌ژێر چاودێری پزیشكیدان، له‌و ژماره‌یه‌ش 523 كه‌س به‌هۆی ناجێگیری دۆخی ته‌ندروستییان له‌ژێر چاودێری چڕی پزیشكیدان.