شارەوانی هەولێر تەواوی ئامادەكارییەكانمان بۆ رێگریکردن لە دروستبوونی لافاو دەستپێكردووە

SNN- بریار محەمەد

شارەوانی هەولێر ئامادەكاری دەستپێكردووە بۆ رێگری لە دروست بوونی لافاو لە وەزری باران بارین لە نێو سەنتەری شاری هەولێر و لە ئێستاشدا دەستیكردووە بە پاككردنەوەی تەواوی مەنهۆڵەكانی ئاوەڕۆ و پاككردنەوەی سەرجەم كەندەكان .

سیامەند كەریم ، بەڕێوەبەری راگەیاندن و پەیوەندیەكان لە بەرێوبەرایەتی گشتی شاروانی هەولێر بە SNNی راگەیاند: سەرۆكایەتی شارەوانی هەولێر لەڕێگەی بەڕێوەبەرایەتی خزمەتگوزاری و ژینگە پارێزی لەسەرەتای مانگی ڕابردوو تاوەكو ئێستا دەستیكردووە بە پاككردنەوەی تەواوی مەنهۆڵەكانی ئاوەڕۆ و پاككردنەوەی سەرجەم كەندەكان ئەمەش لەپێناو بەرگرتن لە ڕووداوی لافاو لە وەرزی زستان.

وتیشی “جگە لە بڵاوكردنەوەی ڕێنمایی بۆ هاونیشتیمانیان بە فڕێنەدانی زبڵ و خاشاك لە شەقام و كۆڵانەكان كە بەهۆیەوە سەرە مەنهۆڵەكان دەگیرێن و دەبێتە هۆی گڵدانەوەی ئاوەڕۆ و دروستبوونی لافاو”.

ساڵانە لە كاتی باران بارینی بە خور لە نێو سەنتەری شاری هەولێر لە بەشێك لە شەقام و كۆلان و گەرەكەكانی هەولێر ئاوێكی زۆر كۆدەبێتەوە و بەو هۆیەوەش ژماریەك ماڵ تووشی زیان دەبنەوە تاوەكو ئێستاش هیچ كام لەو ماڵانەی بەر لافاو كەوتوون قەرەبوو نەكراونەتەوە .