وەزیری دارایی عێراق: هەرێم کرێیەکی زۆر دەداتە کۆمپانیا بیانییەکانی نەوت

SNN

وەزیری دارایی عێراق رایگەیاند: “حکومەتی هەرێم 25 لە سەدی داهاتەکەی دەدات بە کۆمپانیاکانی نەوت، ئەو شایستە داراییەی کە دەدرێن بەو کۆمپانیایانە زۆرن، سەرباری قەرزاری هەرێم”.

عەلی عەلاوی لە چاوپێکەوتنێکیدا لەگەڵ کەناڵی ئاسمانی فورات، وتی: حکومەتی هەرێم قەرزاری کۆمپانیاکانی بە بازاڕکردنی نەوتیشە، جگە لەوەش کرێیەکی زۆر دەداتە ئەو کۆمپانیا بیانیانەی کە لە هەرێم نەوت بەرهەمدەهێنن و هەناردەی دەکەن.

لە درێژەی چاوپێکەوتنەکەدا، عەلاوی تیشکی خستووەتە سەر بارودۆخی دارایی عێراق و وتوویەتی، بەهۆی قەیرانی داراییەوە پێناچێت لە بودجەی ساڵی 2021دا دامەزراندنی نوێی هەبێت، بودجەکەش لەسەر بنەمای رێکخستنەوەی کەرتەکانی کارەبا و نەوت و باج دادەڕێژرێت.

سەبارەت بە ئەگەری کشانەوەی باڵیۆزخانەی ئەمریکا لە عێراق، حەلاوی وتی: ئەمریکا کاریگەرییەکی گەورەی لەسەرر دامەزراوە داراییەکانی جیهان هەیە، ئەگەر ئەمریکا لە عێراق بکشێتەوە ئەوا زەبرێکی کوشندە بەر وەبەرهێنانی بیانی لە عێراق دەکەوێت.