گەشتە ئاسمانییەکانی نێوان عێراق و ئێران دەستپێدەکاتەوە

SNN

ناسر حسێن بەندەر، وەزیری گواستنەوەی عێراق لە راگەیەنراوێکدا ئاماژەی بەوەکردووە، دوای ئەوەی لەسەر داوای دەسەڵاتدارانی ئێران گەشتە ئاسمانییەکان لە فڕۆکەخانە نێودەوڵەتییەکانی بەغدا و نەجەف بۆ تاران و مەشھەد لە 25ی مانگی ئەیلولی رابردوو تا ھەشتی ئەم مانگە ھەڵپەسێردرابوو لە ئەمڕۆ دووشەممەوە گەشتەکان بۆ ئەو وڵاتە دەستپێدەکاتەوە.

راشیگەیاند: لە میانی ئەنجامدانی گەشتە ئاسمانییەکان لەنێوان عێراق و ئێران، دەبێت گەشتیاران پابەندبن بە رێنمایەکانی تایبەت بە خۆپارێزیی لە بڵاوبوونەوەی ڤایرۆسی کۆرۆنا، لە 25ی مانگی رابردووەوە، دەسەڵاتدارانی ئێران، بەتۆمەتی لادان لە بەندەکانی رێککەوتن و گواستنەوەی گەشتیاران بە بێ بوونی مافی مانەوە لە ئێران، سەرجەم گەشتەکانی ھێڵی فڕۆکەوانی عێراقیان راگرت.