جێگریی سەرۆکی لیژنەی یاسایی: پاشەکەوتکردنی پێنج مووچەکەی مووچەخۆران تەواو نایاساییە
SNN- بریار محەمەد
جێگری سەرۆكی لیژنەی یاسایی لە پەرلەمانی كوردستان رایدەگەیەنێت: ئەو لێبڕین و پاشكەوتكردنەی مووچەی فەرمانبەران تەواو پێچەوانەی یاسایە و تەنانەت حكومەت هیچ قسەیەكەی یاسایشی نییە بۆ ئەو لێبڕین و پاشكەوتە.
عەباس فەتاح، جێگری سەرۆكی لیژنەی یاسای لە پەرلەمانی كوردستان بە snnی راگەیاند: دیارە لە ماوەی رابردوو حكومەتی هەرێمی كوردستان بەدەر لە هەموو یاسا دەستی كردوە بە لێبڕین و پاشكەوت كردنی مووچەی فەرمانبەران كە ئەمەش تەواو پێچەوانەی یاسایە، چونكە هیچ یاسایەك نییە رێگا بەو كارانەی حكومەت بدات .
وتیشی: نازانم چ یاسایەك هەیە رێگای داوە بە حكومەت بە ئارەزووی خۆی هەر مانگە و بە میزاجی خۆی مووچەی فەرمانبەران پاشكەوت دەكات، یان بە رێژەی سەدی لێبڕینی بۆدەكات، ئاخەر چۆن دەكرێت بەو شێوەیە حكومەت مووچە پاشكەوت بكات كاتێكیش پرسیار ئاراستەی حكومەت دەكەین و پێیان دەڵێین بەچ یاسایەك مووچەی فەرمانبەران پاشكەوت دەكەن؟ یان لێبینی بۆ دەكەن؟ هیچ قسەیەكی پێ نیە تەنیا دەڵێت “ئەوە دەكەین بەپێی ئەو توانا داراییەی کە هەمانە، بۆیە بەو شێوەیە دەتوانین مووچە دابەش بكەین”.
