چوار پرۆژەی گرنگ بۆ ئیدارەی ڕاپەڕین جێبەجێ دەکرێت

SNN- محەمەد مستەفا

دوای چاوەڕوانییەکی زۆری هاووڵاتییانی راپەڕین، 4 پڕۆژەی گرنک لە سنووری ئیدارەی ڕاپەڕین جێبەجێ دەکرێن و سەرپەرشتیاری ئیدارەی راپەڕینیش بۆ SNN دەڵێت: لە ئایندەیەکی نزیکدا پڕۆژەکان دەکەونە بواری جێبەجێکردنەوە “

هیوا قەرەنی سەرپەرشتیاری ئیدارەی راپەڕین بە SNNی راگەیاند: دوای چاوەڕوانییەکی زۆر و چەندین جار داواکاری بۆ جێبەجێکردنی ئەو پڕۆژانە ، دواجار سەرۆکی حکومەتی هەرێمی کوردستان بڕیاریدا چەند پڕۆژەیەک لە ئیدارەی راپەڕین جێبەجێ بکرێن کە تێچووی ئەو پڕۆژانە نزیکەی 9 ملیار دینارە.

وتیشی “پڕۆژەکان بریتین لە پڕۆژەی جوتسایدی ناوبازاڕی رانیە کە 8 ساڵە تەواو نەکراوە لەگەڵ پڕۆژەی شەقامی 60 مەتری لە قەڵادزێ و هاوکات دروستکردنی سەنتەری شێرپەنجەی مەمک و نۆژەنکردنەوەی خوێندنگاکانی ڕاپەڕین”.

باسی لەوەشکرد: لە ئایندەیەکی نزیکدا پڕۆژەکان دەکەونە بواری جێبەجێکردنەوە کارکردن تێیاندا دەست پێ دەکات.