ئەگەری هەیە جەنگی هاوشێوەی 2003 و بگرە خراپتر لە عێراق رووبداتەوە
SNN
ئەحمەد عەبدوڵا جبوری سەركردە لەهاوپەیمانی هێزە عیراقییەكان لە لێدوانێكدا رایگەیاند: ئەمریكا ئامادەكاری بۆ دەركردنی بڕیارێك دەكات لە عێراق كە تا ئێستا نازانرێت ئەو بڕیارە یاخود ئەو بابەتە چیە، بەڵام ئەگەری زۆرە بەهەمانشێوەی سیناریۆی 2003 لە عێراق و بگرە خراپتریش دووبارە ببێتەوە.
ئاماژەی بەوەشکردووە: عێراق لەلایەن چەند لایەن و وڵاتێكی بیانی هەوڵی بەئامانجگرتنی دەدرێت، بەجۆرێكیش دەیانەوێت ئاڵۆزی زۆر لە عێراقدا دروستبكەن.
ئەو سەرکردەیە وتیشی “ئەگەری زۆرە پێكدادانی سەربازی لە نێوان هێزە سەربازییەكانی ئەمریكا و گرووپە چەكدارەكانی سەر بە حەشدی شەعبی لە دەیان شار و ناوچەی عێراق رووبدات و كە ئەوەش جەنگێكی زۆر فراوان و مەترسیدار تری لەوەی ساڵی 2003 لێدەكەوێتەوە”.
