کۆرۆنا ئەوروپای تەنیوە وا بڕیارە ڕێکارەکان توندتر بکرێت

SNN

وا دیارە کۆرۆنا جارێکی دیکە دەیەوێت بەرۆکی ئەوروپا بگرێتەوەو ژمارەیی تووشبووانی رۆژ لە دوای رۆژ روو لە زیاد بوون دەکات بەتایبەتی لە فەرەنسا و بەریتانیا.

بە پێی ڕاگەیاندراوی كۆماری چیك، قوتابخەنەكان و شوێنی پشوودان و یانەكانی شەوانە تا 3ی تشرینی دووەم دادەخرێن، ئاماژە بەوەش كراوە، كە گەیاندنی خێرا لە خواردنەگەكان كاتەكەی كەم بكرێتەوە و تەنیا تا كاتژمێر 8ی ئێوارە ڕێ بە دلیڤەری بدرێ.

كۆرۆنا لە فەرەنساش بە شێوەیەكی فراوان بڵاو بووەتەوە و مارتن هێرش، سەرۆكی نەخۆشخانەكانی گرووپی APHP، هۆشداری دەدا لەوەی نەخۆشخانەكانی پاریس و بەشی چاودێریی چڕ لە ئانوساتی پڕبووندایە و تا كۆتایی هەفتەی داهاتوو دەگاتە 90%، هەر بەو هۆیەوە پێشبینی دەكرێ ئیمانۆێل ماكرۆن، سەرۆكی فەرەنسا قەدەغەی هاتووچۆ لە شوێنە گشتییەكان و ئەو شوێنانەی خەڵكی زۆری لێ كۆدەبنەوە، رابگەیەنێت.