عێراق بەنیازە داوا لە فەیسبوک و تویتەر بکات نووسینگەی خۆیان لە بەغدا بکەنەوە

SNN
ئەنجوومەنی نوێنەرانی عێراق بە نیازە داوا لە هەریەک لە کۆمپانیاکانی فەیسبوک و تویتەر بکات نووسینگەی خۆیان لە شاری بەغدا بکەنەوە.

عەل روبەیعی ئەندامی لیژنەی راگەیاندن لە پەرلەمانی عێراق رایگەیاندووە “رێککەوتن هەیە بەوەی یاسایەک دەربچێت بۆ پاراستنی تایبەتمەندی داتا و زانیارییە ئەلیکترۆنییەکان، گێڕانەوەی خاوەندارێتییان بۆ دەوڵەت خۆی”.

وتیشی: ” پێویستە عێراق پەیوەندییەکی باشی هەبێت لەگەڵ تۆڕە کۆمەڵایەتییەکان بەتایبەت تویتەر و فەیسبوک، تا پابەندیی هەبێت بە پاراستنی تایبەتمەندی کەسەکان لە وڵاتێکی وەک عێراق کە رۆژانە تەشخەڵە و سووکایەتی زۆر بە کەسایەتییە گشتی و ئاینییەکان دەکرێت”.

وتیشی: “ئاڕاستەیەک هەیە بەوەی داوا لەو کۆمپانیایانەی تۆڕە کۆمەڵایەتییەکان بکرێت نووسینگەی خۆیان لە بەغدا بکەنەوە تا یاسا کارپێکراوەکانیان لە عێراقیش وەکخۆی جێبەجێبکرێت”.