کەشناسی: رێژەی بارانبارین ئەمساڵ کەمترە، بەڵام دوا نەکەوتووە

SNN- بڕیار محەمەد
وتەبێژی بەڕێوەبەرایەتیی گشتی كەشناسی و بوومەلەرزەزانی هەرێمی كوردستان رایدەگەیەنێت “رێژەی بارانبارین بە بەروارد بە پار ساڵ كەمی كوردووە، بەڵام بارینبارین دوانەكەوتووە و ئەگەر هەیە سەرەتای هەفتەی داهاتوو شەپۆلێكی بارانبارین هەرێم بگرێتەوە.
بژار ئەكرەم وتەبێژی بەڕێوەبەرایەتی گشتیی كەشناسی و بوومەلەرزەزانی هەرێمی كوردستان بە SNNی رایگەیاند “گەر بەرواردێك لەنێوان ئەمساڵ و پارساڵ بكەین، دەتوانین بڵێین رێژەی بارانبارین ئەمساڵ كەمتر بووە، بەڵام بەو مانایەش نا كە باران دواكەوتووە، چونكە پارساڵ لە 20- 10 بارانبارین دەستیپێكردەوە لە 28ی 10 لە نێو سەنتەری شارەكان دەستیپێكرد” .
وتیشی: “بەپێی پێشبینییەكانی ئێمە ئەم هەفتەیە هیچ شەپۆلێكی باراینبارین بەڕێوە نییە و رەنگە لە سەرەتایی هەفتەی داهاتوو شەپۆلێكی بارانبارین روو لە هەرێمی كوردستان بكات، بەڵام هەموو پێشبینییەكانیش گۆڕانكارییان بەسەردا دادێت، بۆیە ئێمە زووتر ناتوانین پێشبینییەكان رابگەیەنین”.