دوای دیبەیتەکەی بایدن و ترەمپ، ئیڤانکا نامەیەک ئاراستەی باوکی دەکات
SNN
ئیڤانکای کچی دۆناڵد ترەمپ، یەکێکە لە کچە چالاکەکانی سەرۆک، لە هەڵمەتی هەڵبژاردنی ئەمریکا پشتیوانییەکی زۆری باوکی دەکات و زۆربەی کەمپینەکانی بۆ بەڕێوەدەبات، دوای دیبەیتەکەی دوێنی باوکی لەگەڵ بایدن نامەیەک ئاراستەی باوکی دەکات.
ئیڤانکا لە تویتی تایبەت بەخۆی بۆ باوکی دەنوسێت ” باوکم دووبارە خۆی بۆ پۆستی سەرۆکایەتی ئەمریکا هەڵدەبژێرێتەوە بەهۆی ئەوەی سیاسییەکانی ئەمریکا هیچ بۆ گەلەکەیان ناکەن وەک جۆ بایدن”، لە تویتێکی تردا کە ئاراستەی بایدنی کردووە دەڵێت ” تەنیا قسەی هەیە نەک کردار”
لەکاتی ئێستادا و بەهۆی بڵاوبوونەوەی ڤایرۆسی کۆرۆنا لە چەند ویلایەتێک هەڵبژاردنی پێشوەختە کراوە، بەڵام 3ی تشرینی دووەم، هەڵبژاردنی سەرتاسەری لە ئەمریکا ئەنجام دەدرێت.
