له‌سه‌ر شووتى شه‌ش كه‌س برینداربوون و ژماره‌یه‌ك ده‌ستگیركران
شوتی
SNN- سیروان حەسەن
له عه‌لوه‌ى گه‌وره‌ى كه‌لار به‌هۆى شه‌ڕ و كێشه و گرفته‌وه كه له‌سه‌ر شووتى بووه، شه‌ش كه‌س برینداربوون و هه‌شت كه‌س ده‌ستگیر كران.
ئاسۆ عه‌بدوڵا به‌رپرسى لیژنه‌ى پشكنینى عه‌لوه‌ى كه‌لار بهSNNى راگه‌یاند؛ ئێواره‌ى ئه‌مڕۆ شه‌ممه 9ى ئایارى 2020 له عه‌لوه‌ى كه‌لار به‌هۆى كێشه و گرفتى نێوان ژماره‌یه‌ك كاسبكارى عه‌لوه‌كه له‌سه‌ر مامه‌ڵه‌كردن به شووتییه‌وه شه‌ڕ و ده‌مه‌قاڵێ له‌نێوانیان ڕوویدا.
وتیشى: “به‌هۆى ئه‌وه شه‌ڕه‌وه شه‌ش كه‌س كه تالیبه‌ر و دار و به‌ردیان به‌ركه‌وتوو برینداربوون، هه‌روه‌ها له‌لایه‌ن هێزه ئه‌منییه‌كانیشه‌وه هه‌شت كه‌س له سه‌ر شه‌ڕه‌كه ده‌ستگیركران”.
