سەرجەم بازاڕە میللییەکانی هەولێر دەکرێنەوە و بەربەستە کۆنکرێتییەکانیش هەڵدەگیرێن

SNN- کۆچەر عەلی

وتەبێژی هاتوچۆی هەولێر ئاشکرایدەکات: ئەمشەو دەستدەکەن بەهەڵگرتنی بەربەستە کۆنکریتییەکانی ناو سەنتەری شار و ژیان ئاسایی دەکرێتەوە.

فازل حاجی، وتەبێژی هاتوچۆی هەولێر بە SNNی راگەیاند: “ئەمشەو سەرجەم بەربەستە کۆنکرێتییەکان هەڵدەگیرێنەوە”.

وتیشی: “سبەی لە هاولێر ژیان ئاسایی دەبێتەوە و هاتوچۆ وەک پێش سەردەمی کۆرۆنا دەبێت”.

هاوکات سەرچاوەیەک لە پارێزگای هەولێر بە SNNی راگەیاند: “سبەی شەو بڕیاری کردنەوەی سەرجەم بازاڕە میللییەکانی هەولێر دەدرێت و رێگەش بە كردنەوەی چێشتخانە و چایخانەکانیش دەدرێت”.

وتیشی: “رێگە بە کافتریا و سەنتەرەکانی مەساج و هەندێ شوێن نادرێت کە گرنگ نین بۆ ژیانی ڕۆژانەی هاوڵاتیان”.

#SNN_EXCLUSIVE