چهكدارێكى دیارى داعش كوژرا
داعش
SNN- سیروان حهسهن
له سنوورى ناحیهى مهندهلى چهكدارێكى دیارى داعش كه دهستى له چهندین كردهوهى تیرۆریستى له ناوچه جیاجیاكانى عێراق و ناوچه كوردستانییهكان ههبووه، كوژرا و هاوكات له سنوورى جهلهولا ژمارهیهك داعش بینراون.
نیهاد محهمهد وتهبێژى پۆلیسى دیاله بهSNNى راگهیاند؛ دواى كۆكردنهوهى زانیارى، ئهمڕۆ له سنوورى مهندهلى هێزهكانى دهزگاى ههواڵگرى دیاله توانیویانه چهكدارێكى دیارى داعش كه ناوى “ئهبو حهسهن كوردی”یه بكوژن و دهستیش بگرن بهسهر ماتۆرسكیلهكهى و چهك و ههندێك بهڵگه و پێداویستى كه پێبووه”.
وتیشى: “ئهو چهكدارهى داعش له ماوهى رابردوودا بهشدارى شهڕ و كردهوهكانى چهكدارانى داعشى كردووه له ناوچهكانى فهلوجه، موسڵ، كهركوك – دیاله و له لایهن دادگاوه داواكراو بووه.
هاوكات له لایهكى دیكهوه شهماڵ عهبدولرهحمان بهڕێوهبهرى ئاسایشى كۆكس بهSNNى راگهیاند؛ كهمێك لهمهوبهر له سنوورى جهلهولا ژمارهیهك چهكدارى داعش له كامێراى چاودێرى هێزه عێراقییهكانهوه دهركهوتوون و بههۆیهوه هێزێكى سوپاى عێراق رووبهڕوویان بووهنتهوه و شهڕ و پێكدادانبەرپا بووە.
