کۆرۆنا رووداوەکانی هاتووچۆی لە جیهاندا بەرەو کەمبوونەوە بردووە

SNN
کۆڕبەندی نێودەوڵەتیی گواستنەوە دەڵێت: قەدەغەی هاتووچۆ و رێکارەکانی خۆپارێزی لە کۆرۆنا لە مانگەکانی سەرەتای ئەمساڵ، رووداوەکانی هاتووچۆی لە جیهاندا بەشێوەیەکی بەرچاو کەمکردووەتەوە.

کۆڕبەندەکە لە ئامارێکیدا دەڵێت: “لە نیوزلەندا 80 کەس کەمتر مردوون بە رووداوی هاتووچۆ لە چاو ساڵی 2019 مانگی چوار، بە هەمانشێوە لە ئیتالیا 79 کەس و 78 لە ئەفریقای باشوور و 65 لە مەغریب و 56 کەس لە فەڕەنسا بەراورد بە مانگی چواری ساڵی 2019 کەمتر مردوون”.

بەپێی ئامارەکە، چونکە جووڵە و هاموشۆی ئابووری و کۆمەڵایەتی کەمیکردووە، رووداوەکانی هاتووچۆش راستەوانەن و ئەوانیش بە هەمانشێوە کەمیانکردووە.

ئامارەکە ئەوەشی ئاشکرا کردووە کە ئەو وڵاتانەی هیچ قەدەغەیەکی هاتووچۆیان بۆ کۆرۆنا جێبەجێنەکردووە، رووداوەکانی هاتووچۆ تیایاندا زیادیکردووە وەک سوید و دانیمارک و هۆڵەندا.

ساڵانە زیاتر لە 1.3 ملیۆن کەس لە جیهاندا بە رووداوەکانی هاتووچۆ گیانلەدەستدەدەن و بە ملیۆنانی دیکەش دەبنە قوربانی و بریندار دەبن.