ئەمریکا ئەو نەوتەی ئێرانی فرۆشت کە دەستیبەسەرداگرتبوو

SNN

رۆژنامەی واشنتن پۆستی ئەمریکی بڵاویکردەوە، ئەمریکا ئەو نەوتەی ئێرانی فرۆشت کە بە چوار کەشتی بەرەو ڤەنزوێلا دەڕۆشت و لەرێگادا دەستیبەسەرداگرت.

رۆژنامە ئەمریکیەکە لە زاری وەزارەتی دادی ئەمریکاوە بڵاویکردووەتەوە، ئەو نەوتەی ئێران لەلایەن ئەمریکاوە بە 40 ملیۆن دۆلار فرۆشراوە.

لە مانگی ئابی رابردوودا ئەمریکا دەستی بەسەر چوار کەشتی نەوتهەڵگری ئێراندا گرت بە ناوەکانی (لونا، باندی، بێلا، بیرینگ) کە سوتەمەنیەکەی بۆ ڤەنزوێلا دەگوازرایەوە.

لەبارەی هۆکاری دەستبەسەرداگرتنی ئەو کەشتیانە، پێشتر رۆژنامەی ۆڵ ستریت جۆرناڵ بڵاویکردبووەوە “بەرپرسانی ئەمریکا بەوەوە ناوەستن کە تەنیا دەستبسەر کەشتییەکانی ئێراندا بگرن، بەڵکو مەرامیانە داهاتی گواستنەوەی سووتەمەنیش لەئێران وشک بکەن و کاری گواستنەوەی دەریاوانی لەو وڵاتە قەدەغە بکرێت لەداهاتوودا”.