زنجیرە مارکێتەکانی وڵمارت لە ئەمریکا دەستیکردووەتەوە بە چەک فرۆشتن

SNN

گرووپی وڵمارت-ی ئەمریکی رایگەیاند “دوای خۆپیشاندانە فراوانەکەی فیلادیلفیا پێش هەڵبژاردنەکانی ئەمریکا و راگرتنی فرۆشتنی چەک، دەستیانکردووەتەوە بە فرۆشتنی لە زنجیرە مارکێتەکانیانی خۆیان”.

بڕیارەکەی وڵمارت لەکاتێکدایە هەڵبژاردنە سەرۆکایەتییەکەی ئەمریکا دوو رۆژی تر بەڕێوەدەچێت ئەویش پاش ئەوەی رووداوێکی کوشتن پاڵی بە کۆمپانیاکەوە نا فرۆشتنی چەک رابگرێت.

بە هۆی کوشتنی گەنجێکی رەشپێستەوە و دروستبوونی خۆپیشاندان لە ویلایەتی فیلادیلفیا، کۆگایەکی گەورەی فرۆشتنی چەک تایبەت بە گروپی کۆمپانیاکانی وڵمارت تووشی دزین و تاڵانیی بوو و چەکێکی زۆر کەوتە دەست خەڵک.

لە سەردەمی کوژرانی جۆرج فڵۆید-یش کە دەنگدانەوەی زۆری لە ئەمریکا بەدوای خۆیدا هێنا، زنجیرە مارکێتەکانی وڵمارت نیوەی چەکە عەمبارکراوەکانی لە ئەمریکا گواستەوە بۆ جێگەیەکی ئەمین تا دووچاری دزین و راووڕووت نەبێت.