سەرۆکی حکومەت و جێگرەکەی بەردی بناغەی پڕۆژەی بەبازاڕکردنی گەنمی جووتیاران دادەنێن

SNN

ئەمڕۆ دووشەممە 2ی تشرینی دووەم بە ئامادەبوونی مەسرور بارزانی، سەرۆکی حکومەتی هەرێمی کوردستان و قوباد تاڵەبانی، جێگری سەرۆکی حکومەت، کاتژمێر 11:00 رێوڕەسمی دانانی بەردی بناغەی پڕۆژەی بەبازاڕکردنی گەنمی جووتیارانی هەرێمی کوردستان لە پارێزگای هەولێر بەڕێوەدەچێت.

بەبازاڕکردنی گەنمی جوتیارانی هەرێم، پڕۆژەیەکی ستراتیجی کابینەی نۆیەمی حکومەتی هەرێمی کوردستانە لە بواری کشتوکاڵ بە ئاراستەی دابینکردنی ئاسایشی خۆراک، هەر لە پڕۆژەکەدا ساڵانە 500 هەزار تەن گەنمی جووتیاران وەردەگیرێت، بۆ ئەم مەبەستەش، چەندین سایلۆ و کارگەی تایبەت لە پارێزگاکانی هەرێمی کوردستان دروستدەکرێن، بەم هۆیەوەش هەزاران هەلی کار بۆ دەرچووانی کۆلێجی کشتوکاڵ دەڕەخسێت.