وەزیری ناوخۆ بانگهێشتی پەرلەمان دەکرێت
ڕێبهر ئهحمهد، وهزیرى ناوخۆى حكومهتى ههرێمى كوردستان | فۆتۆ: KRG GOV
SNNـ بڕیار محەمەد
ئەندامێکی پەرلەمانی کوردستان ڕایدەگەیەنێت بەهۆی دەستگیرکردنی ژمارەیەک ڕۆژنامەنووس و چالاکوانی کۆمەڵگای لەسنووری شاری هەولێر و دهۆک ژمارەیەک پەرلەمانتار یاداشتکێمان ئاراستەی دەستەی سەرۆکایەتی پەرلەمان بۆ ئەوەی وەزیری ناوخۆ بانگهێشتی پەرلەمان بکەین .
شیرین ئەمین ئەندامی فراکسیۆنی، گۆران لە پەرلەمانی کوردستان بە SNNی ڕاگەیاند: ئێمە وەکو ژمارەیەك پەرلەمانتار بەپێی ماددەی 66 لە پەیڕەوی ناوخۆی پەرلەمانی كوردستان ژمارەی یاسای پەرلەمانتاران یاداشتێكمان ئاراستەی پەرلەمان كردووە بۆ بانگھێشتكردنی وەزیری ناوخۆ سەبارەت بەدەستگیركردنی ڕۆژنامەنوسان و چالاكوان لە پارێزگای ھەولێرو دھۆك.
وتیشی “لەدانشتنەکەدا وەزیری ناوخۆ پێویستە ڕوونکردنەوەی پێویست لەسەر هۆکاری دەستگیرکردنی ئەو هەموو ڕۆژنامەنووس و چالاکوانەمان بۆبکات هیوادارین دەستەی سەرۆکایەتیش بە ئەرکی خۆی هەڵبستێت، بە بانگهێشتکردنی وەزیری ناوخۆ”
