هەڤاڵ ئەبوبەکر: لەسبەینێوە فەرمانگە حکومییەکان دەستدەکەنەوە بەدەوام

SNN-

پارێزگاری سلێمانی رایدەگەیەنێت “وەک پێشتر داوامان کردبوو، حکومەتی هەرێمی کوردستان رەزامەندی داوە بەدەستپێکردنەوەی دەوامی رەسمی لە فەرمانگە و دامودەزگاکانی هەرێم”.

وتیشی: “شێوازی دەوامکردن بەجۆرێک دەبێت رێژەی 30٪ بۆ 50٪ ی فەرمانبەران دێنەوە بۆ سەر کارەکانی خۆیان و دەبێت رێنماییەکان بەشێوەیەکی باش جێبەجێبکرێت”.

سەبارەت بەکردنەوەی مزگەوتەکانیش لەهەرێمی کوردستان، پارێزگاری سلێمانی وتی: “لەمڕۆدا رشاندنی مزگەوتەکان کراوە و لەسبەینێوە مزگەوتەکان دەکرێنەوە و دوری کۆمەڵایەتیش تیایاندا جێبەجێدەکرێت”.

سەبارەت بەکردنەوەی فڕۆکەخانەش هەڤاڵ ئەبوبەکر رایگەیاند “فڕۆکەخانەکان بڕێاری کردنەوەیان لەدەست دەسەڵاتی مەدەنی فڕۆکەوانیی عێراقیدایە و ئەوان بڕیار دەدەن لەبارەی چارەنوسی ئەو دامەزراوەیەوە”.