رۆحانی “ئەمریكا بەرامبەر ئێران شکستیهێناوە”

SNN

حەسەن رۆحانی، سەرۆككۆماری ئێران رایگەیاند: سەرۆكی داهاتووی ئەمریكا و دەسەڵاتەكەی، ناچارە بگەڕێتەوە بۆ یاسا و پەیماننامەكان و لەژێر فشارەكانی ڕای گشتی و سەبر و تێكۆشانی گەلی ئێران واز لە سیاسەتەكانی بهێنێت.

سەرۆك كۆماری ئێران دڵنیاییدا لەوەی دواجار گەلی ئێران بەسەر فشارەكانی ئەمریكادا سەردەكەوێت و ئەمریکاش بەرامبەر ئێران و گەلەکەی شکستی هێناوە.

دەشڵێت: بۆ ئێران گرنگ نییە كێ دەبێتە سەرۆكی داهاتووی ئەمریكا، ئەوەی گرنگە ئەوەیە كە هەر كەسێك دەسەڵات بگرێـتەدەست، دەچێتە ژێر ئیرادەی گەلی ئێران.