وێنە:له رۆژی یه‌كه‌می پاڵه‌وانێتی یانه‌كانی عێراق یانه‌كانی كوردستان ئه‌نجامی به‌رچاو به ده‌ست ده‌هێنن
دیمەنێک لە پاڵەوانێتی گۆڕەپان و مەیدانی عێراق: فۆتۆ: یوسف کەرکوکی
حسێن کەرکوکی-SNN Sport
له یاریگای زانكۆی به‌غداد ركابه‌رییه‌كانی پاڵه‌وانێتی گۆڕەپان و مەیدانی یانه‌كانی عێراق ده‌ستی پێكردوو یانەکانی کوردستانیش ئەنجامی باشیان بە دەستهێنا.
پاڵه‌وانێتیه‌كه 50 یانه به‌شدارییان تێدا كردووه ، یانه‌كانی ( پێشمه‌رگه سلێمانی و یانه‌ی سلێمانی ) نوێنهرایهتی شاری سلێمانی و یانه‌كانی هه‌ولێر و قه‌ڵعه‌ی هه‌ولێر نوێنهرایهتی شاری هه‌ولێر ده‌كه‌ن و یانه‌كانی ( ئاڵتون كۆپری و سه‌وره و گازی باكوورله شاری كه‌ركوك ) له پاڵه‌وانێتیه‌كه به‌شدارن ، له ركابه‌رییه‌كانی رۆژی یه‌كه‌مدا كچانی یانه‌كانی ( پێشمه‌رگه‌ی سلێمانی و سلێمانی و گازی باكوور ) ئه‌نجامی دیاریان به‌ده‌ستهێنا، كه هه‌ندێك له ئه‌نجامه‌كان به‌م شێوه‌ی لای خواره‌وه بوون.
ئه‌نجامه‌كانی یانه‌ی پیشمه‌رگه‌ی سلێمانی:
- مال خدر ٨٠٠م: پله‌ی یه‌كه‌م
- چاوان به‌هادین: یه‌ك باز پله‌ی یه‌كه‌م
- نه‌ورۆز ئەحمەد: یه‌ك باز پله‌ی دووه‌م
- مریم عبدولحەمید: بازی به‌رز پله‌ی یه‌كه‌م
- ئه‌ڤین سعید: ٤٠٠م پله‌ی یه‌كه‌م
لاوانی كچان:
ئاسیا عزیز: پله‌ی یه‌كه‌م له هه‌ڵدانی ڕم
به‌هار ئەحمەد: پله‌ی یه‌كه‌م له‌یه‌ك باز
– ئه‌نجامه‌كانی تیپی سلێمانی:
– 100م به‌ربه‌ست /تازه‌پێگه‌یشتووانی كچان /كوردستان به‌مۆ له یانه‌ی سلێمانی پله‌ی یه‌كه‌م .
– 400م خانمان / ئه‌ڤین سه‌عید له یانه‌ی سلێمانی پله‌ی یه‌كه‌م
ئه‌نجامی تیپی تازه‌پێگه‌یشتووانی یانه‌ی گازی باكوور :
هه‌ڵدانی رم :دێرین بەختیار پله‌ی یه‌كه‌م
-400م : زه‌هرا كازم پله‌ی یه‌كه‌م
– 2000م به‌ربه‌ست: روویده حه‌سه‌ن پله‌ی یه‌كه‌م
– 100م :به‌را مه‌مدوح پله‌ی دووه‌م
– 100م :دیرین بختیار پله‌ی یه‌كه‌م
