موقتەدا سەدر داوا دەکات پەلە بکرێت لەرێککەوتنی نێوان هەرێم و بەغدا

SNN

بەمەبەستی چارەسەری و دۆزینەوەی دەرچەیەک بۆ رزگاربوون لە دۆخی دارایی عێراق و پرسی قەرز کردن، موقتەدا سەدر سەرۆکی رەوتی سەدر چەند پێشنیازێک دەخاتەڕوو کە 16 خاڵە و داواشدەکات پەلە بکرێت لەرێککەوتنی نێوان هەرێم و بەغدا دا.

سەدر لە تویتێکیدا دەڵێت: “قەرز کردن قورسایی سەر شانی عێراق زیاد دەکات کە هەندێک هەوڵی ئەوە دەدەن پارە قەرز بکەن بۆ نەهێشتنی دوو مووچە و بندیوار و پڕکردنەوەی کورتهێنان”.

سەرد دەڵێت “پارەی ئاو و کارەبا کۆ بکرێتەوە و بخرێتە دەستێکی ئەمینەوە، پێدانی قەرزی بچوک بە خاوەن پرۆژە و ئاسانکارییان بۆ بکرێت”.

سەدر داوا دەکات پەرە بە کشتوکاڵ بدرێت و بە تایبەت بکرێن و بدرێنە کەرتی تایبەت و سوودەکەی بۆ بەرژەوەندی گشتی بشکێنرێتەوە.

سەرۆکی رەوتی سەدر داواشدەکات گەندەڵکاران بدرێنە دادگا و ئەو پارەیەی لە ئەستۆیاندایە بیگێڕنەوە بۆ خەزێنەی دەوڵەت.

هوکات دەڵێت دەبێت هێزی بێگانە دەر بکرێت لە عێراق و پارەی خزمەتگوزارییەکانیان بگەڕێتەوە دەوڵەت و رێککەوتننامەکەی چین زیندوو بکرێتەوە.

لە کۆتاییدا سەدر داوا دەکات رێککەوتنی نێوان هەرێمی کوردستان و حکومەتی عێراق هەرچی زووە ئیمزا بکرێت “لەنێویاندا ئەو نەوتەی لە هەرێمەوە دەردەهێنرێت”.