سەرۆکوەزیرانی بۆسنە تووشی کۆرۆنا بوو

SNN

حکومەتی بۆسنە و هێرسک رۆژی شەممە رایگەیاند “سەرۆکوەزیرانەکەی تووشی ڤایرۆسی کۆرۆنا بووە و ئێستا لەژێر چارەسەریدایە”.

لە بەیاننامەیەکدا ئەنجوومەنی وەزیرانی بۆسنە و هێرسک بڵاویکرووەتەوە “زۆران تیگلتیا نیشانەکانی ڤایرۆسی کۆرۆنای تێدا دەرکەوتووە”.

تیگلتیای تەمەن 59 ساڵ کە لە کۆتاییەکانی ساڵی پارەوە بووەتە سەرۆکوەزیرانی بۆسنە، دۆخی تەندروستی باشە و خۆی کەرەنتینە کردووە.

پێشتریش و هەر لەم مانگەدا حکومەتی بۆسنە رایگەیاند “شەمسەدین دیتیچ وەزیری کشتوکاڵیشیان تووشی ڤایرۆسی کۆرۆنا بووە و لەژێر چارەسەردایە”.

لەو وڵاتە تا ئێستا نزیکەی 60 هەزار حاڵەتی تووشبوون بە کۆرۆنا هەیە و 1376 کەسی کوشتووە و 30 هەزار کەسیش تا ئێستا چاکبوونەتەوە.