ئیسپانیا نزیکە لە سەرکەوتن بەسەر کۆرۆنادا

ئەمڕۆ یەکشەممە 10ی ئایار ئیسپانیا کەمترین ژمارەی تووشبوون بەڤایرۆسی کۆرۆنا تۆمار دەکات، کە لەماوەی دوو مانگدا کەمترین ژمارەیەی گیانلەدەستدانە بەهۆی ئەو ڤایرۆسەوە.

ئیسپانیا لە ماوەی 24 کاتژمێری رابردوودا تەنیا 143 کەس گیانیلەدەستداوە، کە ئەمە کەمترین ژمارەی گیان لەدەستدا لەماوەی دوو مانگی رابردوودا، فیرناندۆ سیمۆن بەرێوەبەری بەشی فریاگوزاری ئیسپانیا ئاماژە بەوە دەکات کە نزیکن لە سەرکەوتنیان بەسەر کۆرۆنادا.

ئیسپانیا یەکێکبوو لەو وڵاتانەی کە ڤایرۆسی کۆرۆنا گورزی کوشندەی لێدا بەجۆرێک 264,663 تووشبوویان هەبووە، لەگەڵ گیانلەدەستدانی 26,621 کەس بە ڤایرۆسەکە.