وه‌زاره‌تى ته‌ندروستى: ته‌نیا 15 نه‌خۆشى كۆرۆنا له هه‌رێم ماون
لۆگۆى وه‌زاره‌تى ته‌ندروستيى حكومه‌تى هه‌رێمى كوردستان
كه‌مێك له‌مه‌وبه‌ر وه‌زاره‌تى ته‌ندروستيى هه‌رێم ئامارى 24 كاتژمێرى رابردووى بڵاوكرده‌وه و ئاشكرایكرد: هه‌رچه‌نده هه‌زار و 217 پشكنین ئه‌نجامدراوه، به‌ڵام هیچ تووشبوویه‌ك له هه‌رێم تۆمار نه‌كراوه.
له راگه‌یه‌نراوه‌كه‌دا هاتووه، “(1216)پشکنین ئەنجام دراوە لەسەر ئاستی هەرێمی کوردستان: (443) هەولێر، (535) سلێمانی، (238) دهۆك، دەرەنجام هیچ تووشبووی نوێ لە هەرێمی کوردستان تۆمارنەکراوە”.
کۆی گشتی تووشبووان بە ڤایرۆسی کۆرۆنا لە هەرێمی کوردستان (391) تووشبوو، لەنێویاندا پێنج مردن هەیە و (371) نەخۆش چاکبووەتەوە،ئێستا تەنیا (15) نەخۆش لەژێر چاودێری پزیشکی دان.
