بایدن: ئەمریکا گەڕایەوەو ئامادەیە پشتیوانی لە جیهان بکات”
جۆو بایدن، سهرۆكى ئهمریكا | فۆتۆ: AP
SNN
جۆو بایدن، سەرۆکی هەڵبژێردراوی ئەمەریکا لە دوای دەستپێکردنی گواستنەوەی دەسەڵاتی سەرۆكایەتی لە ترەمپەوە رایگەیاند، ئەمەریکا گەڕایەوە و ئامادەیە پشتیوانی لە جیهان و هاوپەیمانەکانی بکات.
ئەم هەڵوێستانەی بایدن لەکاتێکدایە کە پێشتر دۆناڵد ترەمپ، وەک بەشێک لە سیاسەتی دەرەوەی، لە بەشێک لە رێککەوتنە نێودەوڵەتییەکان کشایەوە و پەیوەندییەکانی لەگەڵ ئەوروپا و هەندێک وڵاتی هاوپەیمانی ئەمەریکا، بەرەو خراپی برد،
بایدن وتیشی “جارێکی دیکە وەک سەرکردەی مێزی گفتوگۆکان دادەنیشن، ئامادەین رووبەڕووی نەیارانمان ببینەوە و هاوپەیمانەکانمان رەت ناکەینەوە، ئامادەین لە پێناو بەهاکانمان بوەستینەوە.
لای خۆیەوە مایک پۆمپێیۆ، وەزیری دەرەوەی ئەمەریکا رایگەیاند، دەستیان بە گواستنەوەی دەسەڵات لە وەزارەتی دەرەوە کردووە.
