ئیسڕائیل و مەغریب: نوسینگەی دیپلۆماسیی لە پایتەختی هەردوو وڵات دەکەنەوە

SNN

دوای رێککەوتنی هەردوولا بۆ ئاساییکردنەوەی پەیوەندییەکانیان، سێشەممە 22ی کانوونی یەکەم، شاندێکی باڵای ئیسرائیل، بە یاوەریی جارید کۆشنێر، گەورە راوێژکاری دۆناڵد ترەمپی سەرۆکی ئێستای ئەمریکا، بە یەکەم گەشتی فڕۆکەی ئیسرائیلی بۆ مەغریب، گەیشتە رەباتی پایتەختی ئەو وڵاتە.

ناسر بوریتە، وەزیری دەرەوەی مەغریب رایگەیاند: لە ماوەی دوو هەفتەی داهاتوودا، هەردوو وڵات نووسینگەی نوێنەرایەتیی دیپلۆماسی لە پایتەختی یەکتر دەکەنەوە، هەردوولا رێککەوتوون لەسەر دەست پێکردنی گەشی ئاسمانیی راستەوخۆ لە نێوانیان.

دۆناڵد ترەمپی سەرۆکی ئەمریکا رایگەیاند: مەغریب و ئیسرائیل ”رێککەوتنێکی مێژوویی“ یان بۆ ئاساییکردنەوەی پەیوەندییەکانیان کردووە و بەهۆیەوە ئەمریکا دان بەوەدا دەنێت، کە بیابانی رۆژئاوا بەشێکە لە خاکی مەغریب.