ئازەربایجان نێوەندگری لەنێوان تورکیا و ئیسرائیلدا دەکات

SNN

میدیایەکی ئیسرائیلی ئاشکرایکردووە، سەرۆکی ئازەربایجان نێوەندگری لەنێوان هەردوو هاوپەیمانی، ئیسرائیل و تورکیا کردووە بەئامانجی کەمکردنەوەی گرژییەکان و گەڕاندنەوەی پەیوەندییەکانی نێوانیان بۆ دۆخی پێشتری.

تۆڕی هەواڵی ئای٢٤ نیوز-ی ئیسرائیلی ئەوەی ئاشکراکردووە، ئیلهام عەلیف سەرۆکی ئازەربایجان لە پەیوەندییەکی تەلەفۆنیدا لەگەڵ رەجەب تەییب ئەردۆغان، گفتوگۆیان لەبارەی باشکردنی پەیوەندییەکانی نێوان تەلئەبیب و ئەنقەرە کردووە و ئەردۆغان لەوبارەیەوە هەڵوێستی ئەرێنی بووە.

ئەوەش خراوەتەڕوو، سەرۆکی ئازاربایجان بە هاوکاری راوێژکارەکانی ئێستا لە هەوڵدان پەیوەندییەکانی نێوان تورکیا و ئیسرائیل ئاساییبکەنەوە.

لەبارەی ئەو دەستپێشخەرییەوە، تا ئێستا وەزارەتی دەرەوەی ئیسرائیل و حیکمەت حاجییەڤ راوێژکاری سەرۆکی ئازاربایجان بۆ کاروباری دەرەوە ئامادەنەبوون هیچ زانیارییەک ئاشکرابکەن.