مهحموود سهنگاوى”ئهوهى له ناوچه دابڕێنراوهكان روودهدات تهعریب كردنه”
مەحمود سەنگاوی
ههوراز ئهحمهد-SNN
بهرپرسى میحوهرى گهرمهسێرى هێزى پێشمهرگهى كوردستان رایدهگهینیت”ئهوهى لهو ناوچانهى سنورى ماددهى 140 دهگوزهرێت جگه له تهعریب كردن هیچ پاساوێكى دیكهى نیه,گومانیش دهكهین ئهو پهلامارانه لهلایهن داعشهوه ئهنجام بدرێت”.
مهحموود سهنگاوى، بهرپرسى میحوهرى گهرمهسێرى هێزى پێشمهرگهى كوردستان به snnى راگهیاند”بۆشایهكى ئهمنى زۆر له ناوچه كوردستانیهكان ههیه و هێزه عێراقیهكانیش خهڵكى ئهو ناوچانه ناپرێزێت به مهرجێك ههموو چهكێكى پێشكهوتوو كامێراى لیزهریان ههیه كه به شهو رۆژ له دووریهكى زۆرهوه دهتوانرێت ببینرێت، بۆیه ئێمه واى دهبینین كه ئهم پهلاماردانه بهمهبهسته و جگه له تهعریب كردن هیچ پاساوێكى دیكهى نیه”.
ووتیشى”ههمهنگى نێوان هێزى پێشمهرگه و هێزه عێراقیهكان زۆر لاوازه ئهو پهلامار و هێرشانهش كه دهكرێت سهر هاوڵاتى سڤیل له ژێر دهسهڵاتى حكومهتى عێراق دایه، به پێى زانیاریهكانى ئێمه داعش زۆر دووره لهو ناوچه و به ئاسانى ناتوانێت ئهو هێرشانه ئهنجام بدات، بۆیه ئێمه پهنجهى تۆمهت بۆ گروپێك له حهشدى شهعبى رادهكێشین كه ئهو پەلامارانه بكهنه سهر كورد بۆ ئهوهى ناوچهكه داگیر بكهن و عهرهبى هاورده بخهنه شوێنیان”.
ئهو بهرپرسهى هێزى پێشمهرگه ئاماژهى بهوهش كرد”پێویسته حكومهتى عێراق بیته سهر خهت و لیكۆڵینهوهى جدى بكات ئهو هێرش و پهلامارانه رابگیرێت، هاوكات ئهركى نوێنهرانى كورده كه بێنه دهنگ و ئهو ناحهقیه قبوڵ نهكهن چونكه قوربانى و پهلامارهكان ڕۆژ له ڕۆژ له ههڵكشاندایه”.
