ئەمڕۆ هەولێر و زاخۆ یارییان هەیە

SNN Sport

لە رکابەرییەکانی هەفتەی 13ی خولی نایابی عێراقی، هەردوو یانەی هەولێر و زاخۆ لە یاریگای خۆیان یارییان هەیە و بە شوێنی بردنەوە دەگەڕێن.

لە یاری یەکەمدا یانەی زاخۆ لە یاریگای خۆی لە کاتژمێر2:00 میوانداری یانەی مینا دەکات و دەیەوێت درێژە بە ئەنجامە باشەکانی لەم وەرزەی خولەکە بدات.

زاخۆ دوایین ئامادەکارییەکانی بۆ یاریەکە ئەنجامداوەو دەیەوێت سێ خاڵی نوێ بخاتە سەرخاڵەکانی، کە لە ئێستادا لە 12 یاری رابردوو 18خاڵی کۆکردووەتەوەو لە پلەی شەشەم دێت.

لە دووەم یاریدا یانەی هەولێر لە ئەرکێکی زەحمتدا میوانداری یانەی تەڵەبە دەکات و یاریەکە لە کاتژمێر 4:15 خولەک ئەنجام دەدرێت.

هەولێر لە 13 یاری لە پلەی 14ی ریزبەندی دێت و 14 خاڵی هەیە و دۆخی باش نیە،دەیەوێت بگەڕێتەوە بۆ ڕێڕەوی بردنەوەکانی دۆخی خۆی لە ریزبەندی خولەکە باشتر بکات.

کاتی یارییەکانی تری ئەمڕۆ پێنجشەممە:

قاسم- ئەمانەی بەغداد 2:00

نەوتی بەسڕە-سەماوە 6:00

نەوتی میسان-حدود 8:00