ڤیدیۆیەکی نەبینراوی بۆردوومانی ئیسرائیل لەلایەن رژێمی سەدامەوە بڵاودەبێتەوە

SNN

سوپای ئیسرائیل بەمدواییانە ڤیدیۆیەکی نەبینراوی بۆردوومانی وڵاتەکەی بڵاوکردەوە کە ساتی هاویشتنی مووشەکەکانی عێراق نیشاندەدات لە ساڵی 1991دا.

لە ڤیدیۆکەدا ترس و دڵەڕاوکێی هاووڵاتییانی ئیسرائیل دەردەکەوێت کە 30 ساڵ لەمەوبەر بۆردوومانی ئەو مووشەکە عێراقییانە دروستیکردوون لە ساتەوەختی کەوتنە خوارەوەیاندا.

ساڵی 1991 لە سەرووبەندی گرژییەکانی عێراق لەگەڵ کۆمەڵی نێودەوڵەتی، بە فەرمانی سەدام حسێن دیکتاتۆری پێشووی عێراق چەند مووشەکێک نران بە ئیسرائیلەوە.

ئەو سەردەمە سوپای عێراق 39 مووشەکی دروستکراوی یەکێتیی سۆڤیەتی تەقاند بەڕووی ئیسرائیلدا کە هەریەک لە شارەکانی تەلئەبیب و مینا و حەیفا و نەقەبی گرتەوە.

هێرشە مووشەکییەکە بووەهۆی کوژرانی 74 هاووڵاتی ئیسرائیلی و 230 بریندار، زیاتر لە 7440 بینا و ئەپارتمانی ئەو وڵاتە خاپوور بوون.