راکان جبوری داوای راگرتنی گۆڕانکاریەکانی پۆلیس دەکات

پارێزگاری کەرکوک بەوکالەت داوا دەکات گۆڕانکاری لەچەند پۆستێکی پۆلیس رابگیرێت و هاوسەنگی لەنێوان پێگهاتەگان بپارێزرێت.

راکان جبوری لەنوسراوەکەیدا کەئاراستەی وزارەتی ناوخۆی عێراقی کردووە، نیگەرانی خۆی دەردبڕێت لەگۆڕانکاریە ئەمنیەکان و ئاماژەی بۆ ئەوەدەکات کە پرس و را و بۆچونی وەرنەگیراوە.

پارێزگاری کەرکوک بەوکالەت داواش دەکات بڕیاری گۆڕینی فەرماندەی پۆلیس و بەڕێوبەری هەواڵگری کەرکوک رابگیرێت، بەو پێیەی هەردوکیان پیشەییانە و بۆ خزمەتی شارەکە کاردەکەن.

هەروەها داوادەکات چاوبخشێنرێتەوە بەپۆستەکاندا و ئەو کەسانەی تاوانبارن یاخود بە وەرگرتنی بەرتیل و گەندەڵی تۆمەتبارن دوربخرێنەوەو کەسانی دەستپاک و نیشتیانی و سەپێنەری یاسا لەشوێنیان دابنرێت کە بەبێ بیرکردنەوە لە ئاین و نەتەوەو مەزهەب کاردەکەن.

پارێزگاری کەرکوک داواشیکردوە ژمارەی کارمەندانی پۆلیسی هاتوچۆ و بەرگری شارستانی زیادبکرێن و کەلوپەل و پێداویستیەکانتان بۆ دابینبکرێت.

” دوبارە پێکهێنانەوەی فەوجەکانی ئامادە و لە پێنج فەوجەوە بکرێن بە سێ و هاوسەنگی نێوان پێکهاتەکان بپارێزرێت ” لەبەشێکی نوسراوەکەی راکان جبوریدا هاتووە”.

بەپێی زانیاریەکانی snn ماوەیەک لەمەوبەر وزارەتی ناوخۆ بڕیاریداوە بە گۆڕینی لیوا عەلی کەمال فەرماندەی پۆلیسی کەرکوک بە ئەفسەرێکی دیکەی کورد بەناوی ( عەمید ك.غ)، لیوا ئۆرهان خەلیل بەڕێوبەری هەواڵگریش بەئەفسەرێکی دیکە بەناوی ( عەمید کاوە حەسەن) لەپێکهاتەی کورد.