کۆرۆنا گورزی کوشندە لە کەرتی ئابووری و گەشتیاری تورکیا دەدات

بانکی ناوەندی تورکیا چوارشەممە 13ی نیسان رایگەیاند، کورتهێنان لە داهاتی تورکیادا تا ئێستا گەیشتۆیە 4.92 ملیار دۆلار، و کۆرۆنا بە هۆکاری سەرەکی ئەم کورتهێنانە تۆمەتبار دەکرێت.

کارگە جیاوازەکانی تورکیا تەواو لەکارکەتوون بەتایبەت کارگەکانی ناوخۆی وڵات، لەگەڵ رۆژهەڵاتی ناوەراست و ئەوروپا، ئەمەش وایکردووە رێژەی هەناردەی تورکیا بۆ وڵاتان %17 کەمبکات.

کەرتی گەشتیاری تورکیا بەهەمانشێوەی کەرتەکانی دیکە زیانی گەورەی بەرکەوتووە، بەجۆرێک تەنیا لە مانگی نیسان 5.5 ملیار دۆلار زیانی بەرکەوتووە، کە ئەمەش کاریگەری زۆر خراپی لەسەر دۆخی ئابووری تورکیا دروستکردووە.